nei leven

nei leven is altied maor een meraokel
je kriet en zwiet en zucht, je beult en steunt
een marteling waoj hartverscheurend kreunt
nei leven is altied een hiel spektaokel

en as je dan zo puffend paarsend klaogt
wordt ingeknipt of kats deurmidden scheurt
met naaigerei gehecht, daornao versmeurt
dan is het een gebeuren dat veul vraogt

jao kinder kriegen is een hiel gedoe
ie gaot kapot, bint alderbarstens moe

maor opgelucht da’j leeft en bint verlost
kan vaoder met de kaorten hen de post

en aj verlost tevreden denkt dat was’t
dan bliekt, je zit er levenslaank an vast.